যোৱাকালিৰ কথা,
শৰৎ আহিছিল শৈশৱ এবুকু লৈ
কণমাণি উদং দুভৰিত বিলীন হৈছিল
নিয়ৰৰ কণাবোৰ উন্মুক্ত হৈ পুৱাৰ তন্দ্রাত...
তলসৰা শেৱালী বুটলি বুটলি
শৰৎ আজি হ'ল...
দেবীৰ সমুখত
পিতাই দুহাত ধৰি সোধা
সৰল প্রশ্নবোৰ ??
"পিতাই অসূৰটোক কিয় মাৰিছে?"
"পিতাই কাৰ্তিক কোন?"
...ধূপ ধুণাৰে সুৱাসিত শৰতৰ
কোনো সপ্তমী অথবা অষ্টমীৰ পুৱা
পিতায়ে কৈ যোৱা কাহিনীবোৰ
বুকুৰ এচুকৰ এক চিৰ-নতুন অনুভৱ
...শৰৎ, শৰৎ গোন্ধাইছে,
মনটোত হঠাতে কি ফুলি
উঠিল পুৱতি নিশা ??
-ৰক্তিম-
বাংগালুৰু
০১ অক্টোবৰ/১২
No comments:
Post a Comment