বুকুত উপঙি,
পলকতে ডুব মাৰি
কিহৰ আনন্দত মতলীয়া হৈ'ছ
মোৰ ৰক্তাভ আবেগ।
মন নদীৰ মথাউৰি ভাঙি
হ'বি নেকি তই
কোনো অচিন দেশৰ
ব'হেমিয়ান, হিপ্পী?
নে হ'বৰ মন কোনো বিপ্লবীৰ
উদ্দাত্ত কন্ঠ?
ভঙুৱা বাবাৰ চৰণত সৰগ
বিচৰাৰ সপোন নেকি তোৰ?
নে ভাবিছ
কোনো অচিন সাগৰ তীঁৰত
আপোন এটি ঘৰ সঁজাৰ কথা
কোনেও নেদেখাকৈ?
কিহৰ অপ্রাপ্তিত নিজকে দহিচ
ইমান উদ্বাউল হৈ?
এইদৰে মাতাল ন'হবি
কুৱলীৰ বৰষুণ
নোহোৱা হয়
সুৰুজৰ পৰশত
তই মোৰ
মই তোৰ
নাঙঠ শেতেলীৰ
আজন্ম প্রেম
আমাৰ
-ৰক্তিম-
০১ আগষ্ট/১২
বেংগালুৰু
No comments:
Post a Comment